కావాల్సిన పదార్థాలు
- మీకు నచ్చిన 4 నుంచి 5 రకాల పప్పులు ఒక్కో కప్పు చొప్పన తీసుకోండి.(పెసరపప్పు, మినపప్పు, శనగపప్పు, ఎర్ర కందిపప్పు, కందిపప్పు ఇలా నచ్చినవి తీసుకోవచ్చు)
- ఓ కప్పు రోల్డ్ లేదా ఇన్స్టంట్ ఓట్స్
తయారీ విధానం
- ముందుగా పప్పులు, ఓట్స్ని చక్కగా కడిగి సరిపడా నీరు పోసి నానబెట్టండి.
- కనీసం 6 గంటలైనా నానబెట్టండి.
- నానబెట్టిన పప్పు, ఓట్స్ని నీటిలో నుంచి తీసి మిక్సీ వేయండి.
- కొద్దికొద్దిగా నీరు పోసి పిండి మెత్తగా సాఫ్ట్గా అయ్యేవరకూ మిక్సీ పట్టండి. అచ్చం ఇడ్లీ పిండి కలిపినట్లుగానే కలపండి.
- తర్వాత దీనిని గిన్నెలోకి తీసుకుని రాత్రంతా పులియనివ్వండి.
- ఉదయానికల్లా పిండి బాగా పులుస్తుంది.
- పులిసిన పిండిలో కొద్దిగా ఉప్పు కలిపి ఇడ్లీల్లా వేయడమే.
- ఇడ్లీలు చక్కగా ఉడికాయో లేదో చెక్ చేయడానికి టూత్పిక్ వాడండి.
- ఈ ఇడ్లీలను కొబ్బరి చట్నీ, టమాట చట్నీతో తినొచ్చు. దీంతో పాటు సాంబార్ కూడా బెస్ట్ కాంబినేషన్.
దోశ కూడా
- ఇదే పిండిని మీరు దోశలా కూడా చేయొచ్చు. దీనికోసం అదే పిండిలో కొద్దిగా నీరు పోసి దోశపిండిలా చేయండి.
- క్రిస్పీగా అయ్యాక ఉల్లిపాయలు, టమాట, క్యాప్సికమ్ తురుము వంటివి వేయొచ్చు. ఊతప్పంలా కూడా చేయొచ్చు.
- మీకు నచ్చిన చట్నీతో చేయొచ్చు.