అరటిపండ్లు.. ఏ సీజన్‌లోనైనా తక్కువ ధరకే లభించే పండు ఇది. దీనిని తినడం వల్ల ఎన్నో లాభాలున్నాయి. మరీ ముఖ్యంగా ఇందులో పోషకాలు ఎక్కువగా ఉంటాయి. మరి అలాంటి పండుని రాత్రుళ్ళు తినొచ్చా..
రాత్రుళ్ళు..
అరటిపండ్లు రాత్రుళ్ళు తినొచ్చు. దీని వల్ల మంచి నిద్రపడుతుంది. దీనికి కారణం అందులోని న్యూట్రియెంట్స్. ఇందులోని పోషకాలు ఏంటి? అవి ఎలా పనిచేస్తాయంటే..
పొటాషియం..
పొటాషియం ఎక్కువగా ఉండే ఈ అరటిపండ్లని తినడం వల్ల మజిల్స్ పెయిన్స్, క్రాంప్స్‌ తగ్గుతాయి. అంతేకాకుండా మజిల్స్ రిలాక్స్ అవుతాయి. అంతేకాకుండా, దీని వల్ల బీపి కూడా కంట్రోల్ అవుతుంది. దీంతో స్ట్రెస్ కూడా తగ్గి మొత్తం ఆరోగ్యానికి చాలా మంచిది.
మెగ్నీషియం..
అరటిపండ్లలో ఎక్కువగా మెగ్నీషియం ఉంటుంది. దీని వల్ల మజిల్స్ రిలాక్స్ అవుతాయి. అంతేకాకుండా యాంగ్జైటీ కూడా తగ్గుతుంది. నేటి కాలంలో చాలా మంది యాంగ్జైటీ కారణంగా నిద్రలేమి వంటి ఇతర సమస్యలు కూడా తెచ్చుకుంటున్నారు. అలాంటివారు అరటిపండ్లు తినడం మంచిది.
ట్రిప్టోఫాన్..
ఇది ఓ రకమైన అమైనో యాసిడ్.. ఇది బాడీలో సెరోటోనిన్‌ని రిలీజ్ చేస్తుంది. దీని వల్ల మూడ్ హ్యాపీగా మారి రిలాక్స్ అవుతారు. సెరటోనిన్ అనేది మనలో నిద్ర సమస్యల్ని దూరం చేసే ఓ రకమైన హార్మోన్.
విటమిన్ బి6..
ఈ విటమిన్ ట్రిప్టోఫాన్‌ని సెరోటోనిన్‌గా మార్చేందుకు హెల్ప్ చేస్తుంది. దీని వల్ల సెరోటోనిన్ కారణంగా కలిగే లాభాలు శరీరానికి అందుతాయి.
గుర్తుంచుకోవాల్సింది..
అరటిపండ్లు నిజానికీ బెడ్‌టైమ్‌లో తీసుకోవాల్సిన బెస్ట్ ఫుడ్. కానీ, ఓ విషయాన్ని గుర్తుపెట్టుకోవాలి. దీని వల్ల కలిగే ఎఫెక్ట్స్ మనిషి మనిషికి మారతాయి. కొందరికీ దీని వల్ల లాభంగా ఉంటే మరికొంతమందికి సమస్యగా మారుతుంది. దీనిని తినడం వల్ల కొందరికి శ్లేష్మం ఉత్పత్తి అయి జలుబు చేస్తుంది. అలాంటివారు ఉదయాన్నే తినాలి. లేదా అరటిపండు పీల్‌తో టీ చేసుకుని తాగొచ్చు. అదే విధంగా.. డయాబెటిస్ ఉన్నవారు కూడా ఈ పండుని తినే విషయంలో జాగ్రత్త పడాలి. ఎందుకైనా ముందుగా డాక్టర్‌ని కలిసి వారి సలహాతోనే ఈ పండుని తినడం మంచిది.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఇవి పాటించడం వల్ల ఫలితాలు అనేవి వ్యక్తిగతం మాత్రమే. వీటిని పాటించే ముందు డైటీషియన్‌ని సంప్రదించడమే ఉత్తమ మార్గం. గమనించగలరు.